பயங்கரவாதத் தாக்குதலுக்கு பதிலடி: நேரத்தை வீணடிக்க வேண்டாம்

பிரதமர் மோடிக்கு ராகுல் வலியுறுத்தல்

- 

புது தில்லி, ஏப். 30: காஷ்மீரில் பயங்கரவாதத் தாக்குதலை ஏவியவர்களுக்கு தகுந்த பதிலடி தராமல் பிரதமர் நரேந்திர மோடி தலைமையிலான மத்திய அரசு நேரத்தை வீணடிக்கக் கூடாது என்று எதிர்க்கட்சித் தலைவர் ராகுல் காந்தி வலியுறுத்தினார்.

தில்லியில் காங்கிரஸ் தலைமையகத்தில் புதன்கிழமை செய்தியாளர்களிடம் இதுதொடர்பாக ராகுல் கூறியதாவது:

பஹல்காம் தாக்குதல் நடத்திய பயங்கரவாதிகளுக்கும் அதன் பின்னணியில் இருந்தவர்களுக்கும் உரிய பதிலடி தரப்பட வேண்டும். அப்போதுதான் இந்தியாவுக்கு எதிராக இனி இதுபோன்ற பயங்கரவாதத்தில் ஈடுபடுவதற்கு அவர்களுக்கு துணிவு ஏற்படாது.