பிளஸ் 2 பொதுத் தேர்வு நிறைவு: மே 9-இல் தேர்வு முடிவுகள் வெளியீடு

தமிழகத்தில் பிளஸ் 2 பொதுத் தேர்வு செவ்வாய்க்கிழமை நிறைவடைந்தது. இறுதித் தேர்வான இயற்பியல் பாடத்தின் வினாத்தாள் சற்று கடினமாக இருந்ததாக மாணவர்கள் தெரிவித்தனர். தேர்வு முடிவுகள் மே 9-ஆம் தேதி வெளியிடப்படவுள்ளன.

- 

சென்னை, மார்ச் 25:

தமிழகத்தில் மாநில பாடத் திட்டத்தில் பிளஸ் 2 பொதுத்தேர்வு கடந்த மார்ச் 3-இல் தொடங்கியது. மாநிலம் முழுவதும் 3,316 மையங்களில் 7,518 பள்ளிகளைச் சேர்ந்த 8 லட்சத்துக்கும் மேற்பட்ட மாணவர்கள் தேர்வெழுதினர். பொதுத்தேர்வின் இறுதித்தேர்வாக இயற்பியல் தேர்வு நடைபெற்றது.

தேர்வு குறித்து மாணவர்கள் கூறுகையில், இயற்பியல் வினாத்தாளில் 15 ஒரு மதிப்பெண் வினாக்கள் கேட்கப்பட்டிருந்தன. அவற்றில் 3 கேள்விகள் மறைமுக வினாக்களாக இருந்தன.

இரண்டு மற்றும் மூன்று மதிப்பெண் வினாக்கள் எளிதில் பதிலளிக்கக் கூடிய வகையில் இருந்தன. அதேவேளையில், ஐந்து மதிப்பெண் பகுதியில் வினா எண் 37 கடினமாக இருந்தது. ஒட்டுமொத்தமாக இயற்பியல் தேர்வு சற்று கடினமாக இருந்தது என்றனர்.