புதுக்கைப் பேருந்து நிலையத்தில் கடைகள் ஒதுக்கீட்டில் முறைகேடு புகார்

புதுக்கோட்டையில் பேருந்து நிலையத்தை இடித்து புதிதாக கட்டும் பணிகள் தொடங்கியுள்ள நிலையில், அந்த வளாகத்தில் கடைகளை ஒதுக்கீடு செய்வதில் முறைகேடு நடப்பதாகக் கூறி அதிமுக மாமன்ற உறுப்பினர்கள் வெள்ளிக்கிழமை நடைபெற்ற கூட்டத்தில் முற்றுகைப் போராட்டத்தை நடத்தினர்.

- 

புதுக்கோட்டை, மார்ச் 14:

புதுக்கை மாநகராட்சி மாமன்றத்தின் சாதாரணக் கூட்டம் மேயர் செ. திலகவதி தலைமையில் நடைபெற்றது. ஆணையர் த. நாராயணன், துணை மேயர் மு. லியாகத் அலி ஆகியோர் முன்னிலை வகித்தனர்.

கூட்டத்தின் தொடக்கத்திலேயே அதிமுக உறுப்பினர் சி. பாரதி, தனது வார்டில் எந்தப் பணியும் நடக்கவில்லை என அவற்றைப் பட்டியலிட்டு அச்சிடப்பட்ட பதாகை ஒன்றை எடுத்து வந்தார்.