தமிழக வளர்ச்சியைத் தடுக்கும் வஞ்சகத்தைத் தொடரும் மத்திய அரசு

தமிழ்நாட்டின் வளர்ச்சியைத் தடுக்கும் வஞ்சகத்தை மத்திய பாஜக அரசு தொடர்வதாக முதல்வரும் திமுக தலைவருமான மு.க.ஸ்டாலின் கண்டனம் தெரிவித்துள்ளார்.

- 

சென்னை, பிப். 26:

இதுகுறித்து கட்சியினருக்கு அவர் புதன்கிழமை எழுதியுள்ள கடிதம்: ரயில் நிலையங்களில் உள்ள ஹிந்தி எழுத்துகளை அழித்துவிட்டால் வடமாநிலப் பயணிகள் எப்படி ரயில் நிறுத்தங்களை அடையாளம் காண்பார்கள் என்று இங்கேயுள்ள பாஜக நிர்வாகிகள் சிலர் கேட்கிறார்கள். அவர்களுடைய இந்த உணர்வு நியாயமாக தமிழ் மீது இருந்திருக்க வேண்டும்.

நம்மிடம் இந்தக் கேள்வியைக் கேட்பதற்குப் பதில், பிரதமர் நரேந்திர மோடியிடமும், ஹிந்தி திணிப்பில் தீவிரமாக இருக்கும் மத்திய உள்துறை அமைச்சர் அமித் ஷா, மத்திய கல்வி அமைச்சர் தர்மேந்திர பிரதான் ஆகியோரிடமும் கேட்கலாம்.