தற்சார்பு இந்தியாவுக்கு உத்வேகம் வாஜ்பாய்!

தற்சார்புடைய மற்றும் வளர்ச்சியடைந்த இந்தியாவை கட்டமைக்க குடிமக்கள் ஒவ்வொருவருக்கும் உத்வேகமாக விளங்குபவர் வாஜ்பாய் என்று பிரதமர் நரேந்திர மோடி புகழஞ்சலி செலுத்தினார்.

- 

புது தில்லி, ஆக. 16:

முன்னாள் பிரதமரும், பாஜக நிறுவனத் தலைவர்களில் ஒருவருமான வாஜ்பாயின் 7-ஆவது நினைவு தினம் சனிக்கிழமை (ஆக.16) அனுசரிக்கப்பட்டது. இதையொட்டி, தில்லியில் உள்ள அவரது 'சதைவ் அடல்' நினைவிடத்தில் குடியரசுத் தலைவர் திரௌபதி முர்மு, பிரதமர் மோடி, மக்களவைத் தலைவர் ஓம் பிர்லா, மாநிலங்களவை துணைத் தலைவர் ஹரிவன்ஷ், பாதுகாப்புத் துறை அமைச்சர் ராஜ்நாத் சிங், மத்திய அமைச்சரும் பாஜக தேசியத் தலைவருமான ஜெ.பி. நட்டா, மத்திய அமைச்சர்கள் தர்மேந்திர பிரதான், பியூஷ் கோயல் உள்ளிட்டோர் மலர் தூவி அஞ்சலி செலுத்தினர்.