வனத் துறையின் அத்துமீறல் கடலூர் ஆட்சியர் அலுவலகத்தை முற்றுகையிட்ட மீனவர்கள்

மீனவர்கள் மீதான வனத் துறையின் அத்துமீறலை கண்டித்தும், இதைத் தடுத்து நிறுத்தக் கோரியும் மீனவ கிராம மக்கள் மற்றும் கடலூர் மாவட்ட மீன்பிடி தொழிலாளர் சங்கத்தினர் மாவட்ட ஆட்சியர் அலுவலகத்தைத் திங்கள்கிழமை முற்றுகையிட்டுப் போராட்டத்தில் ஈடுபட்டனர்.

- 

நெய்வேலி, ஆக.11:

கடலூர் மாவட்டம், பிச்சாவரம் அருகே உள்ள சின்னூர் தெற்கு, சின்னூர் வடக்கு, சி.புதுப்பேட்டை மற்றும் இந்திரா நகர் உள்ளிட்ட பகுதிகளில் 10 ஆயிரத்திற்கும் மேற்பட்ட மீனவ மக்கள் வசித்து வருகின்றனர்.

மீன்பிடி தொழில் நடத்தி வாழ்ந்து வரும் இவர்களுக்கு கிராமத்தில் எந்தவிதமான அடிப்படை வசதிகளும் இல்லை.

எம்.ஜி.ஆர். ஆட்சிக் காலத்தில் இந்த மக்களுக்குத் தொகுப்பு வீடுகள் கட்டப்பட்டன. தற்போது இந்த வீடுகள் முழுவதுமாகச் சிதிலமடைந்துள்ளன. வீடுகளைச் சீரமைப்பதையும், புதிய வீடுகள் கட்டுவதையும், மதில் சுவர் அமைப்பதையும் வனத் துறையினர் தடுத்து வருகின்றனராம்.