புதுச்சேரியில் பிளஸ் 1 வகுப்பில் மாணவர் சேர்க்கை

இறுதிக்கட்டக் கலந்தாய்வில் ஏராளமானோர் பங்கேற்பு

- 

புதுச்சேரி, ஆக.7:புதுச்சேரி அரசு பள்ளிகளில் இதுவரை பிளஸ் 1 சேராத மாணவர்கள், பள்ளியில் சேர ஏதுவாக இறுதிக் கட்ட கலந்தாய்வு வியாழக்கிழமை தொடங்கியது. குருசுகுப்பம் என்.கே.சி. அரசு மேல்நிலைப் பள்ளியில் 3 நாள்கள் நடைபெறும் இந்தக் கலந்தாய்வில், முதல் நாளான வியாழக்கிழமை திரளான மாணவ, மாணவிகள் பங்கேற்றனர். இதில் அனைவருக்கும் இடம் கிடைக்கும் என்ற நம்பிக்கை மாணவர்களுக்கு ஏற்பட்டுள்ளது.

புதுச்சேரியில் நிகழ்கல்வியாண்டில் பிளஸ் 1 வகுப்பில் மாணவர் சேர்க்கை ஏற்கெனவே நடத்தி முடிக்கப்பட்ட நிலையில், அண்மையில் 10 ஆம் வகுப்பு துணை பொதுத்தேர்வில் தேர்ச்சி பெற்றவர்கள் மற்றும் இதுவரை பிளஸ் 1 சேராத மாணவர்களுக்காக இறுதிக்கட்ட மாணவர் சேர்க்கைக்கான கலந்தாய்வு வியாழக்கிழமை தொடங்கியது.குருசுகுப்பம் என்.கே.சி. அரசு மேல்நிலைப்பள்ளியில் 3 நாள்கள் கலந்தாய்வு நடத்தப்படுகிறது.