அனைத்து பட்டப் படிப்புகளிலும் அரசுப் பள்ளி மாணவர்களுக்கு 10% இடஒதுக்கீடு நிகழாண்டு அமல்

புதுவை முதல்வர் என்.ரங்கசாமி உறுதி

- 

புதுச்சேரி, ஜூலை 15: புதுவை மாநிலத்தில் அரசுப்பள்ளிகளில் படிக்கும் மாணவர்களுக்கு நிகழ்கல்வியாண்டிலேயே அனைத்து பட்டப்படிப்புகளிலும் 10 சதவீத இட ஒதுக்கீடு அளிக்கப்படும் என்று முதல்வர் என்.ரங்கசாமி உறுதியளித்தார்.

புதுவை அரசு பள்ளிக் கல்வி இயக்ககம் சார்பில் காமராஜர் பிறந்த நாளையொட்டி மாணவர் நாள் விழா கருவடிக்குப்பத்தில் உள்ள காமராஜர் மணிமண்டபத்தில் செவ்வாய்க்கிழமை நடைபெற்றது. முதல்வர் என்.ரங்கசாமி கலந்து கொண்டு காமராஜர் பிறந்த நாள் விழா போட்டிகளில் வெற்றி பெற்ற மாணவர்களுக்கு பரிசுகள் வழங்கி பேசியதாவது:

காமராஜர் ஊழலற்ற ஆட்சியைக் கொடுத்தார். இந்தியா முழுவதுமே காமராஜர் ஆட்சி வேண்டும் என்று எண்ணினர். கல்விக்கு முக்கியத்துவம் அளித்தார். நாட்டின் அனைத்து தலைவர்களுக்கும் வழிகாட்டியாக வாழ்ந்தார்.