குறைந்த ஊதியத்தில் பணியாற்றும் பல்நோக்கு மருத்துவப் பணியாளர்கள்

தமிழகம் முழுவதும் உள்ள அரசு மருத்துவமனைகளில் 400 மாற்றுத்திறனாளிகள் உள்பட 3,500-க்கும் மேற்பட்ட பல்நோக்கு மருத்துவப் பணியாளர்கள் கடந்த 12 ஆண்டுகளுக்கும் மேலாக குறைந்த ஊதியத்தில் பணியாற்றி வருகின்றனர்.

- தே.சாலமன்

செய்யாறு, ஜூன் 29: தமிழகம் முழுவதும் உள்ள அரசு மருத்துவமனைகளில் 400 மாற்றுத்திறனாளிகள் உள்பட 3,500-க்கும் மேற்பட்ட பல்நோக்கு மருத்துவப் பணியாளர்கள் கடந்த 12 ஆண்டுகளுக்கும் மேலாக குறைந்த ஊதியத்தில் பணியாற்றி வருகின்றனர்.

அரசு ஆரம்ப சுகாதார நிலையங்கள், மருத்துவமனைகளில் தின ஊதியம் அடிப்படையில் மாவட்ட வேலைவாய்ப்பு அலுவலகம் மூலம், மாவட்ட ஆட்சியர்கள் பரிந்துரையின் பேரில், பல்நோக்கு மருத்துவப் பணியாளர்கள் பலர் 2013-ஆம் ஆண்டில் நேரடியாக நியமனம் செய்யப்பட்டனர்.

இந்தப் பணியாளர்கள் புறநோயாளிகளுக்கு சீட்டுப் பதிவு செய்தல், மருந்து கட்டுதல், தூய்மைப் பணி, உள்நோயாளி சிகிச்சைப் பிரிவு, இரவுக் காவலாளி, அவசர ஊர்தி, அமரர் ஊர்தி உதவியாளர்கள் உள்ளிட்ட பணிகளில் ஈடுபடுத்தப்படுகின்றனர்.