அமைச்சர் தலைமையில் ஃபெப்சி - தயாரிப்பாளர் சங்கம் பேச்சு

நிதிப் பிரச்னை உள்பட பல்வேறு பிரச்னைகள் தொடர்பாக, ஃபெப்சி அமைப்பு மற்றும் திரைப்பட தயாரிப்பாளர்கள் சங்கம் இடையே செவ்வாய்க்கிழமை பேச்சுவார்த்தை நடைபெற்றது.

- 

சென்னை,ஜூன் 24:

தமிழ் வளர்ச்சி மற்றும் செய்தித் துறை அமைச்சர் மு.பெ.சாமிநாதன் தலைமையில், சென்னை தலைமைச் செயலகத்தில் நடைபெற்ற இந்த பேச்சுவார்த்தையில் தமிழ்த் திரைப்பட தயாரிப்பாளர் சங்கத்தின் தலைவர் முரளி ராமசாமி உள்ளிட்ட நிர்வாகிகள் கலந்து கொண்டனர். அதேபோல, தென்னிந்திய திரைப்பட தொழிலாளர்கள் சம்மேளனத்தின் (ஃபெப்சி) தலைவர் ஆர்.கே. செல்வமணி உள்ளிட்ட நிர்வாகிகளும் பங்கேற்றனர். மேலும் தென்னிந்திய நடிகர் சங்கம் சார்பாக அதன் தலைவர் நடிகர் நாசர், துணைத் தலைவர்கள் பூச்சிமுருகன், கருணாஸ் உள்ளிட்டோரும் கூட்டத்தில் கலந்து கொண்டனர்.