கூடுதலாக எஸ் 400 வான் பாதுகாப்பு சாதனங்கள்

எஸ்400 ரக வான் பாதுகாப்பு சாதனங்களை ரஷியாவில் உள்ள அதன் தயாரிப்பாளரிடமிருந்து கூடுதலாக வாங்க இந்தியா திட்டமிட்டுள்ளது.

- நமது சிறப்பு நிருபர்

நமது சிறப்பு நிருபர் புது தில்லி, மே 13:

இந்த எஸ் 400 சாதனம், பயங்கரவாதிகளுக்கு எதிரான இந்தியாவின் 'ஆபரேஷன் சிந்தூர்' என்ற நடவடிக்கையின்போது பாகிஸ்தானில் இருந்து செலுத்தப்பட்ட ட்ரோன்களை நடுவானிலேயே வெற்றிகரமாக அழித்தது. இதன்மூலம் இந்திய மண்ணில் மிகப்பெரிய சேதம் தவிர்க்கப்பட்டது.

தற்போது இந்தியாவில் எஸ்400 ரக வான் பாதுகாப்பு சாதனங்கள் ஜம்மு - காஷ்மீர், பஞ்சாபின் பதான்கோட், ராஜஸ்தான் மற்றும் குஜராத்தில் உள்ள ராணுவத் தளவாடப் பகுதிகளில் உள்ளன. ஆனால், தென் மாநிலங்களில் அத்தகைய சாதனங்கள் கேந்திர முக்கியத்துவம் வாய்ந்த இடங்களில் நிலைநிறுத்தப்படவில்லை. எனவே, கூடுதல் சாதனங்களின் தேவை அவசியமாகியுள்ளது.