ராணுவ தளங்களைத் தாக்கியதன் மூலம் பாகிஸ்தானுக்குத் தகுந்த பதிலடி

பாகிஸ்தானில் பல்வேறு ராணுவ தளங்களைத் தாக்கியதன் மூலம் அந்த நாட்டுக்கு இந்திய ராணுவம் தக்க பதிலடி கொடுத்துள்ளது; பாகிஸ்தான் ராணுவ தலைமையகம் அமைந்துள்ள ராவல்பிண்டியிலும் இந்திய ராணுவத்தின் வலிமை உணர்த்தப்பட்டது என்று பாதுகாப்புத் துறை அமைச்சர் ராஜ்நாத் சிங் பெருமிதத்துடன் குறிப்பிட்டார்.

- 

புது தில்லி, மே 11:

மேலும், பயங்கரவாதத்துக்கு எதிரான இந்தியாவின் உறுதிப்பாட்டுக்குச் சாட்சியாக ‘ஆபரேஷன் சிந்தூர்’ நடவடிக்கை விளங்குகிறது என்றும் அவர் தெரிவித்தார்.

இந்தியா-பாகிஸ்தான் இடையே நான்கு நாள்களாக ராணுவ மோதல் நீடித்துவந்த நிலையில், இரு நாடுகளுக்கும் இடையே சனிக்கிழமை மாலை உடனடி சண்டை நிறுத்தம் மேற்கொள்ளப்பட்டது. இதற்கு அரசியல் கட்சிகள் உள்பட பல்வேறு தரப்பினரும் வரவேற்பு தெரிவித்தனர்.

இந்த நிலையில், உத்தரப் பிரதேச மாநிலம், லக்னௌவில் பிரமோஸ் ஏவுகணை ஒருங்கிணைப்பு-சோதனை மையத்தை ஞாயிற்றுக்கிழமை காணொலி காட்சி வாயிலாகத் திறந்துவைத்த பாதுகாப்புத் துறை அமைச்சர் ராஜ்நாத் சிங், பின்னர் பேசியதாவது: