முல்லைப் பெரியாறு அணையில் மத்திய நீர்வள ஆணையத் தலைவர் ஆய்வு

முல்லைப் பெரியாறு அணையில் மத்திய நீர்வள ஆணையத் தலைவர் முகேஷ் குமார் சின்ஹா தலைமையிலான குழுவினர் செவ்வாய்க்கிழமை ஆய்வு செய்தனர்.

- 

உத்தமபாளையம், ஏப். 8:

முல்லைப் பெரியாறு அணை பிரச்னைக்கு தீர்வு காண தேசிய அளவிலான குழுவை அமைக்க உச்சநீதிமன்றம் உத்தரவிட்டது. இதையடுத்து, மத்திய நீர்வள ஆணையத்தின் கட்டுப்பாட்டில் இருந்த முல்லைப் பெரியாறு அணை, தேசிய அணைகள் பாதுகாப்பு ஆணையத்துக்கு மாற்றப்பட்டது.

தேசிய அணைகள் பாதுகாப்பு ஆணையத்தின் தலைவர் அனில் ஜெயின் தலைமையில் 7 பேர் கொண்ட குழு அமைக்கப்பட்டது. இந்தக் குழுவினர் முல்லைப் பெரியாறு அணை குறித்து ஆய்வு செய்து அறிக்கை தாக்கல் செய்ய உச்சநீதிமன்றம் உத்தரவிட்டது.

இதன்படி, கடந்த மாதம் 22-ஆம் தேதி தேசிய அணைகள் பாதுகாப்பு ஆணையத்தின் தலைவர் அனில் ஜெயின் தலைமையிலான குழுவினர் முல்லைப் பெரியாறு அணைப் பகுதிக்குச் சென்று ஆய்வு செய்தனர்.