தவறான சிகிச்சையால் 7 பேர் உயிரிழந்த விவகாரம்: போலி இருதய நிபுணர் கைது

மத்திய பிரதேசத்தில் தவறாக சிகிச்சை அளித்து 7 பேர் உயிரிழந்த சம்பவத்தில் தொடர்புடையதாக குற்றஞ்சாட்டப்பட்ட போலி இருதய சிகிச்சை நிபுணர் உத்தர பிரதேச மாநிலம் பிரயாக்ராஜில் திங்கள்கிழமை கைது செய்யப்பட்டார்.

- 

போபால், ஏப்.7:

முன்னதாக, போலி இருதய சிகிச்சை நிபுணர் மீது கடும் நடவடிக்கை எடுக்கப்படும் என மத்திய பிரதேச முதல்வர் மோகன் யாதவ் தெரிவித்த நிலையில், அவர் கைது செய்யப்பட்டார்.

தமோ மாவட்டத்தில் உள்ள மிஷனரி மருத்துவமனையில் பணிபுரியும் ஒருவர் தன்னை இருதய சிகிச்சை நிபுணர் என அடையாளப்படுத்திக்கொண்டு நோயாளிகளுக்கு தவறான சிகிச்சை அளித்ததில் 7 பேர் உயிரிழந்ததாக தேசிய மனித உரிமைகள் ஆணையத்திடம் (என்எச் ஆர்சி) புகார் அளிக்கப்பட்டது.