வெளிவரத்து, விளைச்சல் அதிகம்: தக்காளி விலை வீழ்ச்சி

தக்காளி விலை வீழ்ச்சியடைந்துள்ளதால், குறைந்தபட்ச ஆதரவு விலை நிர்ணயித்து விவசாயிகளின் வாழ்வாதாரத்தை பாதுகாக்க தமிழக அரசு உரிய நடவடிக்கை மேற்கொள்ள வேண்டும் என்ற கோரிக்கை எழுந்துள்ளது.

- நமது நிருபர்

நமது நிருபர் பெரம்பலூர், மார்ச் 23: தக்காளி விலை வீழ்ச்சியடைந்துள்ளதால், குறைந்தபட்ச ஆதரவு விலை நிர்ணயித்து விவசாயிகளின் வாழ்வாதாரத்தை பாதுகாக்க தமிழக அரசு உரிய நடவடிக்கை மேற்கொள்ள வேண்டும் என்ற கோரிக்கை எழுந்துள்ளது.

பெரம்பலூர் மாவட்டத்தில் நொச்சியம், சத்திரமனை, உள்ளிட்ட பல கிராமங்களில் சுமார் 300 ஏக்கர் பரப்பளவில் கிணற்றுப் பாசனம், பசுமைக் குடில் மற்றும் சொட்டுநீர் பாசனத்தை பயன்படுத்தி தக்காளி சாகுபடி மேற்கொள்ளப்படுகிறது. ஏக்கருக்கு குறைந்தபட்சம் சுமார் 12 முதல் 15 டன் வரை மகசூல் கிடைத்த நிலையில், நிகழாண்டில் கூடுதலாக மகசூல் கிடைத்துள்ளது.

கோடைக்காலங்களில் விலை அதிகரிப்பு: கோடைக்காலங்களில் ஒரு பெட்டி தக்காளி ரூ. 2,500 வரை விற்பனையானது. தற்போது மகசூல் அதிகரித்துள்ளதோடு, வெளி மாநிலங்களில் இருந்து வரத்து அதிகளவில் உள்ளதால், விலை குறைந்து 15 கிலோ கொண்ட தக்காளி பெட்டி ரூ. 50-க்கும் குறைவாக விற்பனை செய்யப்படுகிறது. இதனால் தக்காளி சாகுபடி செய்யப்பட்டுள்ள விவசாயிகள் பெரும் இழப்பைச் சந்தித்துள்ளனர்.