ராஜினாமா செய்த 4 எம்எல்ஏ-க்கள் மீதான தகுதி நீக்க மனுக்கள் தொடர்ந்து விசாரிக்கப்படும்

ராஜிநாமா செய்த அதிமுக எம்எல்ஏ-க்கள் நான்கு பேர் மீதான தகுதி நீக்க மனுக்கள் பேரவைத் தலைவரால் தொடர்ந்து விசாரிக்கப்படும் என்று சென்னை உயர்நீதிமன்றத்தில் சட்டப்பேரவைச் செயலர் தாக்கல் செய்த பதில் மனுவில் தெரிவித்துள்ளார்.

- 

சென்னை உயர்நீதிமன்றத்தில் அதிமுக கொறடா அக்ரி கிருஷ்ணமூர்த்தி தாக்கல் செய்த மனுவில், 'பேரவைத் தேர்தலில் அதிமுக சார்பில் வெற்றி பெற்ற மரகதம் குமரவேல் (மதுராந்தகம்-தனி), ஜெயக்குமார் (பெருந்துறை), சத்தியபாமா (தாராபுரம்-தனி), இசக்கி சுப்பையா (அம்பாசமுத்திரம்) ஆகிய நால்வரும், தங்களது எம்எல்ஏ பதவியை ராஜினாமா செய்துவிட்டு, தவெகவில் இணைவது குறித்து ஏற்கெனவே அந்தக் கட்சியுடன் பேச்சு நடத்தியுள்ளனர். எனவே, இது திடீரென எடுத்த முடிவு அல்ல.

தகுதி நீக்க நடவடிக்கை நிலுவையில் இருந்தபோது, பேரவைத் தலைவர் இந்த நால்வரின் ராஜினாமா கடிதங்களை ஏற்றுக் கொண்டுள்ளார். எனவே, நால்வரின் ராஜிநாமாவை ஏற்ற உத்தரவை ரத்து செய்ய வேண்டும். இந்த 4 தொகுதிகளுக்கும் இடைத்தேர்தல் அறிவிக்கத் தடை விதிக்க வேண்டும் எனக் கோரியிருந்தார்.

இதே கோரிக்கையுடன் தேசிய மக்கள் சக்தி கட்சியின் தலைவர் எம்.எல். ரவியும் மனு தாக்கல் செய்திருந்தார்.