காஞ்சிபுரம் ஸ்ரீ ஏகாம்பரநாதர் கோயில் மகா கும்பாபிஷேகம்

திரளான பக்தர்கள் பங்கேற்பு

- 

பஞ்சபூத தலங்களில் நிலத்துக்குரிய காஞ்சிபுரம் ஏகாம்பரநாதர் கோயில் மகா கும்பாபிஷேகம் திங்கள்கிழமை விமரிசையாக நடைபெற்றது.

பழைமை வாய்ந்த இக்கோயில் திருப்பணிகள் ரூ.29 கோடியில் முடிந்ததையடுத்து டிச.8 ஆம் தேதி கும்பாபிஷேகம் நடத்தப்படும் என அறநிலையத் துறை சார்பில் அறிவிக்கப்பட்டது.

கடந்த டிச.4 -ஆம் தேதி வியாழக்கிழமை விக்னேசுவர பூஜையுடன் யாகசாலை பூஜைகள் தொடங்கின. யாகசாலை பூஜைகளை ஸ்தானீகர்கள், ஸ்தலத்தார்கள் நடத்தினர். 30-க்கும் மேற்பட்ட ஓதுவாமூர்த்திகள் பக்க இசைக்கலைஞர்களுடன் திருமுறைப் பாராயணம் நடத்தினர். திங்கள்கிழமை (டிச.8) அதிகாலை 5 மணிக்கு புனித நீர்க்குடங்கள் சிவாச்சாரியார்களால் ராஜகோபுரம், மூலவர் கோபுரம் உள்ளிட்ட அனைத்து கோபுரங்களுக்கும் எடுத்துச் செல்லப்பட்டன.