வாக்காளர் பட்டியலை மாசற்றதாக்கவே சிறப்பு தீவிர திருத்த நடவடிக்கை

'வாக்காளர் பட்டியலை மாசற்றதாக்கவே சிறப்பு தீவிர திருத்த நடவடிக்கை எடுக்கப்பட்டு வருகிறது; பிகாரில் தேசிய ஜனநாயகக் கூட்டணி பெற்ற வெற்றியானது நாட்டில் ஊடுருவியுள்ளோருக்கு எதிரான தீர்ப்பு' என்று மத்திய உள்துறை அமைச்சர் அமித் ஷா தெரிவித்துள்ளார்.

- அமித் ஷா

இது தொடர்பாக குஜராத் மாநிலம், புஜ் நகரில் வெள்ளிக்கிழமை நடைபெற்ற எல்லைப் பாதுகாப்புப் படையின் (பிஎஸ்எஃப்) வைர விழா (61-ஆவது நிறுவிய தினம்) நிகழ்ச்சியில் அவர் பேசியதாவது:

இன்று நாட்டின் அனைத்து எல்லைகளிலும் ஊடுருவலைத் தடுக்கும் பணியில் எல்லைப் பாதுகாப்புப் படை ஈடுபட்டுள்ளது. ஊடுருவலைத் தடுப்பது தேசியப் பாதுகாப்புக்கு மட்டுமின்றி நாட்டின் ஜனநாயக அமைப்பைக் காக்கவும் அவசியமானதாகும்.

எனினும், ஊடுருவலுக்கு எதிரான மத்திய அரசின் நடவடிக்கைகளை பலவீனப்படுத்த சில கட்சிகள் முயற்சிக்கின்றன. வாக்காளர் பட்டியலை மாசற்றதாக்கவே சிறப்பு தீவிர திருத்த நடவடிக்கையை தேர்தல் ஆணையம் எடுத்து வருகிறது. இந்த நடவடிக்கையை சில கட்சிகள் எதிர்க்கின்றன. நாட்டை விட்டு ஒவ்வொரு ஊடுருவல்காரரையும் வெளியேற்றுவோம் என்பதைத் தெளிவுபடுத்த விரும்புகிறேன். இதற்கு நாங்கள் உறுதிபூண்டுள்ளோம்.

'தமிழகம், மேற்கு வங்கத்திலும் தே.ஜ. கூட்டணி ஆட்சி'