தில்லி நகைக் கடையில் 4 கிலோ நகை திருடிய ஊழியர் ஊட்டியில் கைது

தில்லியில் கரோல் பாக் பகுதியில் உள்ள நகைக் கடையில் வேலை பார்த்த நபர், அந்தக் கடையில் திருடிய நகையுடன் ஊட்டியில் பதுங்கி இருந்தபோது தில்லி காவல்துறையினரால் கைது செய்யப்பட்டதாக அதிகாரிகள் புதன்கிழமை தெரிவித்தனர்.

- நமது நிருபர்

நமது நிருபர் புது தில்லி, ஜூலை 23:

இது குறித்து தில்லி காவல்துறை கூறியுள்ளதாவது: கரோல் பாக்கில் ஒரு பரபரப்பான தங்கத் திருட்டு வழக்கு ஜூலை 1-ஆம் தேதி பதிவானது. காவல் நிலையத்தில் புகார் அளித்தவர் தன்னுடைய கடையில் இருந்து சுமார் 4 கிலோ தங்க நகைகள் காணாமல் போனதாகத் தெரிவித்தார்.

12 ஆண்டுகளுக்கும் மேலாக நம்பகமான ஊழியரான மனோஜ் தோசந்த், 70-80 கிலோ பழங்கால மற்றும் வழக்கமான தங்க நகைகளின் இருப்பை நிர்வகிக்கும் பொறுப்பில் இருந்தார்.