தில்லி, என்சிஆர் பகுதியில் பரவலாக மழை!

காற்றின் தரம் 'திருப்தி' பிரிவில் நீடிப்பு

- 

புது தில்லி, ஜூலை 6: தேசியத் தலைநகர் மற்றும் என்சிஆர் பகுதியில் ஞாயிற்றுக்கிழமை பரவலாக மழை பெய்தது. காற்றின் தரம் தொடர்ந்து 11-ஆவது நாளாக 'திருப்தி' பிரிவில் நீடித்தது.

தென்மேற்குப் பருவமழை தில்லியை கடந்த வாரம் ஞாயிற்றுக்கிழமை வந்தடைந்தது. வழக்கமான ஜூன் 27-ஆம் தேதிக்குப் பதிலாக இரு நாள்களுக்குப் பிறகு ஜூன் 29-ஆம் தேதி பருவமழை தில்லியை வந்துடைந்தது.

மேலும், வழக்கமான ஜூலை 8-ஆம் தேதிக்கு ஒன்பது நாள்கள் முன்னதாக நாட்டின் எஞ்சிய பகுதிகளை பருவமழை அடைந்திருப்பதாகத் தெரிவிக்கப்பட்டது.

ஐஎம்டி தரவுகளின்படி, கடந்த 2020-ஆம் ஆண்டுக்குப் பிறகு ஜூன் 26-ஆம் தேதிக்குள் நாட்டின் முழு பகுதியையும் பருவமழை உள்ளடக்கியிருப்பது இதுவே முதல் முறையாகும்.