பகுதி நேர வேலை என்ற பெயரில் மோசடி

இணையவழியில் பகுதி நேர வேலைவாய்ப்பு வழங்குவதாகக் கூறி மோசடியில் ஈடுபட்ட சம்பவத்தில் 4 பேர் கைதுசெய்யப்பட்டதாக அதிகாரிகள் சனிக்கிழமை தெரிவித்தனர்.

- 

புது தில்லி, ஜூன் 28:

32 வயதான ஆடை வடிவமைப்பு துறை மாணவி, தான் மோசடியாளர்களால் ரூ.90,800 இழந்ததாக அளித்த புகாரைத் தொடர்ந்து, போலீஸாரால் அன்ஷுல் குமார் (20), சந்தீப் (19) இருவரும் கடந்த ஜூன் 20-ஆம் தேதி கைது செய்யப்பட்டனர்.

இதைத் தொடர்ந்து, ராஜேந்தர் (23), ரவீந்திர பேடா (20) ஆகியோர் கடந்த ஜூன் 22-ஆம் தேதி கைது செய்யப்பட்டனர்.

இது தொடர்பாக வடக்கு தில்லி சரக துணை காவல் ஆணையர் ராஜா பந்தியா செய்தியாளர்களிடம் கூறியதாவது: காவல் நிலையத்தில் புகாரளித்தவருக்கு பகுதி நேர வேலைவாய்ப்பு வழங்குவதாகக் குறுந்தகவல் வந்தது.