சுகாதார உள்கட்டமைப்பு திட்டத்தில் ஊழல்: ஆம் ஆத்மி தலைவர்கள் மீது வழக்குப் பதிவு

தில்லியில் சுகாதாரம் மற்றும் உள்கட்டமைப்பு வசதி திட்டங்களை மேற்கொண்டதில் ஊழல் செய்ததாக ஆம் ஆத்மி கட்சியின் முன்னாள் அமைச்சர்கள் சத்யேந்தர் ஜெயின், சௌரவ் பரத்வாஜ் ஆகியோர் மீது ஊழல் தடுப்புப் பிரிவு போலீஸார் வியாழக்கிழமை வழக்குப் பதிவு செய்தனர்.

- நமது நிருபர்

புது தில்லி, ஜூன் 26:

தில்லியின் முன்னாள் சுகாதார அமைச்சர்கள் சௌரவ் பரத்வாஜ் மற்றும் சத்யேந்தர் ஜெயின் ஆகியோருக்கு எதிராக ஊழல் தடுப்புச் சட்டத்தின் கீழ் ஊழல் தடுப்புப் பிரிவு விசாரணை நடத்த மத்திய உள்துறை அமைச்சகம் ஒப்புதல் அளித்த சில நாள்களுக்குப் பிறகு இந்த வழக்கு பதிவு செய்யப்பட்டதாக அதிகாரிகள் தெரிவித்துள்ளனர்.