ஹரியாணாவில் நடந்த கொலை வழக்கில் தேடப்பட்டவர் கைது

ஹரியாணாவில் நடந்த ஒரு கொலை வழக்கில் தேடப்பட்டு வந்தவரை தில்லி காவல்துறையின் சிறப்புப் பிரிவு கைது செய்துள்ளதாக அதிகாரி ஒருவர் ஞாயிற்றுக்கிழமை தெரிவித்தார்.

- 

புது தில்லி, ஜூன் 22:

இது குறித்து காவல் துறை அதிகாரி கூறியதாவது: இந்த ஆண்டு பிப்ரவரியில் சோனேபட்டின் முர்தலில் உள்ள வீர் தாபாவில் தீபக் (எ) பன்ஜா கொலை தொடர்பாக ராகேஷ் கடியன் (39) தேடப்பட்டு வந்தார். அவரைக் கைது செய்யும் வகையில் அவர் குறித்து தகவல் தெரிவிப்போருக்கு ரூ.20,000 வெகுமதியும் அறிவிக்கப்பட்டிருந்தது.

இந்நிலையில், சனிக்கிழமை சட்டவிரோத துப்பாக்கிகளை வைத்திருந்ததாகக் கூறப்படும் ஒரு ரகசியத் தகவலின் அடிப்படையில் ராகேஷ் கடியன் தடுத்து நிறுத்தப்பட்டார். அவரிடம் இருந்து ஒரு அரை தானியங்கி கைத்துப்பாக்கி, நான்கு தோட்டாக்கள் மற்றும் ஒரு கார் பறிமுதல் செய்யப்பட்டன.