பிரதமரைப் பாராட்டி குஜராத் சட்டப் பேரவையில் தீர்மானம்

பஹல்காம் பயங்கரவாதத் தாக்குதலுக்குப் பதிலடி கொடுக்கும் வகையில் மேற்கொள்ளப்பட்ட 'ஆபரேஷன் சிந்தூர்' நடவடிக்கை மற்றும் ஜிஎஸ்டி சீர்திருத்தத்துக்காக பிரதமர் நரேந்திர மோடியைப் பாராட்டி குஜராத் சட்டப் பேரவையில் தீர்மானம் நிறைவேற்றப்பட்டுள்ளது.

- 

காந்திநகர், செப். 9: பஹல்காம் பயங்கரவாதத் தாக்குதலுக்குப் பதிலடி கொடுக்கும் வகையில் மேற்கொள்ளப்பட்ட 'ஆபரேஷன் சிந்தூர்' நடவடிக்கை மற்றும் ஜிஎஸ்டி சீர்திருத்தத்துக்காக பிரதமர் நரேந்திர மோடியைப் பாராட்டி குஜராத் சட்டப் பேரவையில் தீர்மானம் நிறைவேற்றப்பட்டுள்ளது.

ஜம்மு-காஷ்மீர் மாநிலம் பஹல்காமில் பாகிஸ்தானைச் சேர்ந்த பயங்கரவாதிகள் கடந்த ஏப்ரல் 22-ஆம் தேதி நடத்திய தாக்குதலில் 26 பேர் கொல்லப்பட்டனர்.

இந்தத் தாக்குதலுக்குப் பதிலடி கொடுக்கும் வகையில் நமது முப்படைகளும் இணைந்து பாகிஸ்தான் பயங்கரவாதிகளுக்கு எதிராக மே 7-ஆம் தேதி 'ஆபரேஷன் சிந்தூர்' நடவடிக்கையை மேற்கொண்டன.

இந்த நடவடிக்கைக்காக பிரதமர் நரேந்திர மோடியையும் முப்படை வீரர்களையும் பாராட்டும் தீர்மானத்தை குஜராத் சட்டப் பேரவையில் முதல்வர் பூபேந்திர படேல் செவ்வாய்க்கிழமை கொண்டுவந்தார். அப்போது அவர் கூறியதாவது: பாகிஸ்தான் பயங்கரவாதிகளுக்கு எதிரான ராணுவ நடவடிக்கையானது பயங்கரவாதத்துக்கு எதிரான இந்தியாவின் போராட்டத்தில் முக்கிய மைல்கல்லாகும்.