குடிமக்களின் உரிமையைப் பறிக்கும் வாக்குத் திருட்டு

தமிழக காங்கிரஸ் மேலிடப் பார்வையாளர் கிரிஷ் ஜோடங்கர்

- 

திருநெல்வேலி, செப். 7: வாக்குத் திருட்டு என்பது குடிமக்களின் உரிமையைப் பறிக்கும் செயல் என்று தமிழக காங்கிரஸ் மேலிடப் பார்வையாளர் கிரிஷ் ஜோடங்கர் குற்றஞ்சாட்டினார்.

'வாக்குத் திருட்டைத் தடுப்போம், வாக்குரிமையைக் காப்போம்' என்ற தலைப்பில் திருநெல்வேலியில் ஞாயிற்றுக்கிழமை நடைபெற்ற காங்கிரஸ் மாநில மாநாட்டில் கிரிஷ் ஜோடங்கர் பேசியது:

தமிழகத்தில் கடந்த ஓராண்டுக் கும் மேலாக மாநிலத் தலைவர் மற்றும் நிர்வாகிகள் கடுமையாக உழைத்து 22,000-க்கும் மேற்பட்ட காங்கிரஸ் கிராம செயற்குழுவை வலுப்படுத்தியுள்ளனர். தமிழகத்தைப் பொருத்தவரை காங்கிரஸ் மிகவும் வலுவாக வளர்ந்துள்ளது. 100-க்கும் மேற்பட்ட தொகுதிகளைக் குறிவைத்து சட்டப்பேரவைத் தேர்தலுக்கு தயார் செய்ய வேண்டும்.