அலிகர் பல்கலை. வழக்கு: உச்சநீதிமன்ற நீதிபதி வினோத்சந்திரன் விலகல்

அலிகர் முஸ்லிம் பல்கலைக்கழக துணை வேந்தராக பேராசிரியர் நயீமா காத்தூன் நியமிக்கப்பட்டுள்ளதற்கு எதிராக தாக்கல் செய்யப்பட்ட மனு மீதான விசாரணையில் இருந்து உச்ச நீதிமன்ற நீதிபதி கே.வினோத் சந்திரன் திங்கள்கிழமை தன்னை விலக்கிக்கொண்டார்.

- 

புது தில்லி, ஆக.18:

அலிகர் முஸ்லிம் பல்கலைக்கழகத்தின் துணைவேந்தருக்கான தேர்தலில் நயீமா காத்தூனுக்கு அந்தப் பல்கலைக்கழகத்தின் துணைவேந்தர் பதவிக் காலம் முடியவிருந்த அவரது கணவர் முகமது குல்ரெஸ் வாக்களித்தார். இதையடுத்து, அப்பல்கலைக்கழகத்தின் முதல் பெண் துணைவேந்தராக நயீமா காத்தூன் நியமிக்கப்பட்டார்.

இதற்கு எதிராக அலகாபாத் உயர்நீதிமன்றத்தில் மனு தாக்கல் செய்யப்பட்ட நிலையில், நயீமா காத்தூனின் நியமனம் செல்லும் என நீதிமன்றம் தீர்ப்பளித்தது.

இந்த தீர்ப்புக்கு எதிராக உச்சநீதிமன்றத்தில் மேல்முறையீடு செய்யப்பட்ட மனு மீது தலைமை நீதிபதி பி.ஆர். கவாய், நீதிபதிகள் கே.வினோத் சந்திரன் மற்றும் என். வி.அஞ்சாரியா அடங்கிய அமர்வு திங்கள்கிழமை விசாரித்தது.