அதிக வாக்காளர்கள் நீக்கப்பட்டால் தலையிடுவோம்: உச்சநீதிமன்றம்

பிகார் சிறப்பு தீவிர திருத்த விவகாரம்

- 

புது தில்லி, ஜூலை 29: அரசமைப்பு நிறுவனமான தேர்தல் ஆணையத்துக்குச் சட்டப்படியான நடவடிக்கைகளை மேற்கொள்ளும் உரிமை உள்ளது. ஆனால், பிகாரில் வாக்காளர் பட்டியல் சிறப்பு தீவிர திருத்த நடவடிக்கையின் கீழ் அதிக எண்ணிக்கையில் வாக்காளர்கள் நீக்கம் செய்யப்பட்டால் அதில் உடனடியாக நீதிமன்றம் தலையிடும் என்று உச்ச நீதிமன்றம் செவ்வாய்க்கிழமை தெரிவித்தது.

மேலும், 'தேர்தல் ஆணையத்தின் இந்த சிறப்பு தீவிர திருத்தத்துக்கு எதிரான மனுக்கள் மீது வரும் ஆகஸ்ட் 12, 13-ஆம் தேதிகளில் இறுதி விசாரணை மேற்கொள்ளப்படும்' என்றும் உச்சநீதிமன்றம் தெரிவித்தது.

முன்னதாக, இந்த மனுக்கள் உச்சநீதிமன்ற நீதிபதிகள் சூரிய காந்த், ஜாய்மால்ய பாக்சி ஆகியோர் அடங்கிய அமர்வில் செவ்வாய்க்கிழமை மீண்டும் விசாரணைக்கு வந்தது.