மேற்கு வங்கத்தின் திருத்தப்பட்ட ஓபிசி பட்டியல்: கொல்கத்தா உயர்நீதிமன்ற உத்தரவுக்கு இடைக்கால தடை

மேற்கு வங்க மாநிலத்தின் திருத்தப்பட்ட இதர பிற்படுத்தப்பட்ட வகுப்பினர் (ஓபிசி) பட்டியல் அடிப்படையில் இடஒதுக்கீட்டை நடைமுறைப்படுத்தத் தடை விதித்து, கொல்கத்தா உயர் நீதிமன்றம் கடந்த ஜூன் 17-ஆம் தேதி பிறப்பித்த உத்தரவுக்கு உச்ச நீதிமன்றம் இடைக்காலத் தடை விதித்து திங்கள்கிழமை உத்தரவிட்டது.

- 

புது தில்லி, ஜூலை 28:

முதல் கட்ட விசாரணையிலேயே உயர்நீதிமன்ற உத்தரவு தவறு என்பது தெரிகிறது' என்றும் உச்சநீதிமன்றம் குறிப்பிட்டது.

மேற்கு வங்க மாநிலத்தில் கல்வி மற்றும் அரசு வேலைவாய்ப்புகளில் ஓபிசி பிரிவின் கீழான இடஒதுக்கீட்டை பெறும் வகையில், கடந்த 2010-ஆம் ஆண்டு ஏப்ரல் முதல் செப்டம்பர் மாதம் வரையிலான கால கட்டத்தில் இஸ்லாத்தைச் சேர்ந்த 77 சமூகப் பிரிவினரை மேற்கு வங்க அரசு ஓபிசி பட்டியலில் இணைத்தது. இதில், 2012 சட்டத்தின் அடிப்படையில், 37 புதிய ஓபிசி வகுப்புகளையும் மாநில அரசு உருவாக்கியது.

இதை எதிர்த்து தொடரப்பட்ட வழக்கை கடந்த ஆண்டு விசாரித்த கொல்கத்தா உயர் நீதிமன்றம், 'மதத்தின் அடிப்படையில மட்டுமே இந்த இடஒதுக்கீட்டை மாநில அரசு அளித்துள்ளது' என்று கூறி, ஓபிசி பட்டியலில் புதிதாக சேர்க்கப்பட்ட 77 சமூகப் பிரிவுகளையும் ரத்து செய்து உத்தரவிட்டது.