நாகை போக்குவரத்து மண்டலத்தில் குளிர்சாதனப் பேருந்துகள் மீண்டும் இயக்கப்படுமா?

நாகை போக்குவரத்து மண்டலத்தில் இயக்கப்படாமல் நிறுத்தப்பட்டுள்ள குளிர்சாதனப் பேருந்துகள் மீண்டும் இயக்கப்படுமா என எதிர்பார்க்கப்படுகிறது.

- 

நாகப்பட்டினம், ஜூலை 9:

தமிழகத்தில் 1956-ஆம் ஆண்டு உருவாக்கப்பட்ட போக்குவரத்துத் துறை 3 ஆண்டுகளுக்குப் பிறகு 192 கி.மீ. தொலைவுள்ள வழித்தடங்களில் விரைவுப் போக்குவரத்தைத் தொடங்கியது. இதையடுத்து, 1967-இல் திமுக ஆட்சிக்கு வந்த பிறகு பேருந்து வழித்தடங்களை அரசுடைமையாக்குவது குறித்து ஆராய்ந்து 1971-இல் சோமசுந்தரம் குழுவை தமிழக அரசு அமைத்தது. அந்தக் குழுவின் பரிந்துரைப்படி படிப்படியாக பேருந்து வழித்தடங்கள் அரசுடைமையாக்கப்பட்டன.

தற்போது, மாநகரப் போக்குவரத்துக் கழகம்-சென்னை, அரசு விரைவுப் போக்குவரத்துக் கழகம், தமிழ்நாடு அரசுப் போக்குவரத்துக்கழகம்-விழுப்புரம், கும்பகோணம், சேலம், கோவை, மதுரை, திருநெல்வேலி என தமிழ்நாடு அரசுப் போக்குவரத்துக்கழகம் எட்டு பிரிவுகளாக செயல்படுகின்றன.