எளிமையின் முகவரி ஸலாஹுத்தீன் முஹம்மது அய்யூப்!

வயது முதிர்வு காரணமாக தனது 84-ஆவது வயதில் கடந்த மே மாதம் சென்னையில் காலமான தமிழ்நாடு அரசின் தலைமை காஜியாக இருந்த முஃப்தி ஸலாஹுத்தீன் முஹம்மது அய்யூப் தன்னிகரில்லாத இஸ்லாமிய மார்க்க அறிஞர்.

- எம்.ஏ.முஸ்தபா

வயது முதிர்வு காரணமாக தனது 84-ஆவது வயதில் கடந்த மே மாதம் சென்னையில் காலமான தமிழ்நாடு அரசின் தலைமை காஜியாக இருந்த முஃப்தி ஸலாஹுத்தீன் முஹம்மது அய்யூப் தன்னிகரில்லாத இஸ்லாமிய மார்க்க அறிஞர். நான்கு தசாப்தங்களுக்கு முன்பு தமிழக அரசின் தலைமை காஜியாக நியமிக்கப்பட்ட அய்யூப் சாஹேப் நிரப்ப முடியாத வெற்றிடத்தை விட்டுச் சென்றிருக்கிறார்.

1942, ஜூன் 12-ஆம் தேதி ஹைதராபாத்தில் பிறந்த ஸலாஹுத்தீன் முஹம்மது அய்யூப் அங்கிருந்த புகழ்மிக்க உஸ்மானியா பல்கலைக்கழகத்தில் இளங்கலைப் பட்டம் பெற்று 1973-இல் எகிப்தில் உள்ள 1,000 ஆண்டுகள் பாரம்பரிய மிக்க உலகப் புகழ்பெற்ற இஸ்லாமிய கல்வி நிறுவனங்களில் ஒன்றான அல் அஸ்ஹர் பல்கலைக்கழகத்தில் 'அல் இஜாஷத்துல் ஆலியா' என்ற உயர்கல்வி பட்டம் பெற்றார். அதன்பின்னர் தாயகம் திரும்பி ஹைதராபாத் உஸ்மானியா பல்கலைக்கழகத்தில் அரபு மொழியில் முதுகலை பட்டம் பெற்றார்.