பஹல்காம் தாக்குதலுக்கு கண்டனம்: அமெரிக்காவில் இந்தியர்கள் போராட்டம்

பஹல்காம் பயங்கரவாதத் தாக்குதலைக் கண்டித்து அமெரிக்காவின் நியூயார்க் நகரில் உள்ள பாகிஸ்தான் தூதரகத்துக்கு வெளியே இந்தியர்கள் போராட்டம் நடத்தினர்.

- 

நியூயார்க், ஏப். 28:

இந்திய தேசியக் கொடியை கையில் ஏந்தியபடி போராட்டம் நடத்திய அவர்கள் 'இஸ்லாமிய குடியரசு நாடான பாகிஸ்தானை பயங்கரவாத நாடாக பிரகடனம் செய்யுங்கள்' என்ற வாசகம் அடங்கிய பதாகைகளை அசைத்தனர்.

பஹல்காம் தாக்குதலில் உயிரிழந்த 26 பேரின் புகைப்படங்கள் அடங்கிய நீளமான பதாகைகளையும் அவர்கள் ஏந்தியிருந்தனர்.

நியூயார்க்கில் பாகிஸ்தான் தூதரகத்துக்கு வெளியே நடைபெற்ற போராட்டத்தில் பங்கேற்ற இந்தியர்கள் இந்திய, இஸ்ரேல் தேசியக் கொடிகளை அசைத்தபடி கோஷங்களை எழுப்பினர்.