ஊழல்வாதிகளை மோடி அரசு சிறையில் அடைக்கும்

நேஷனல் ஹெரால்டு விவகாரத்தில் பாஜக கருத்து

- 

புது தில்லி, ஏப். 17: 'ஊழல் செய்தவர்கள் மற்றும் விவசாயிகளின் நிலத்தை அபகரித்தவர்கள், பிரதமர் நரேந்திர மோடியின் நேர்மையான அரசின்கீழ் சிறையில் அடைக்கப்படுவார்கள்' என்று பாஜக தேசிய செய்தித் தொடர்பாளர் கௌரவ் பாட்டியா வியாழக்கிழமை கூறினார்.

காங்கிரஸின் காந்தி குடும்பம் மக்களின் பணத்தால் தங்கள் கருவூலத்தை நிரப்பியிருந்தால், அந்தப் பணம் மொத்தமும் அவர்களிடம் இருந்து மீட்கப்படும் என்றும் அவர் தெரிவித்தார்.

'நேஷனல் ஹெரால்டு' வழக்கில் காங்கிரஸ் தலைவர்கள் சோனியா காந்தி, ராகுல் காந்தி மற்றும் பிறருக்கு எதிராக அமலாக்கத் துறை தில்லியில் உள்ள சிறப்பு நீதிமன்றத்தில் குற்றப்பத்திரிகையை தாக்கல் செய்துள்ளது.