கர்நாடகம்: இஸ்ரேல் பெண் உள்பட இருவர் கூட்டுப் பாலியல் வன்கொடுமை

உடனிருந்த ஆண் கொலை; இரு இளைஞர்கள் கைது

- 

கொப்பள், மார்ச் 8: இஸ்ரேல் பெண் உள்பட இருவரை கூட்டுப் பாலியல் வன்கொடுமை செய்து, மேலும் ஒரு ஆண் நபரை கொலை செய்த 3 பேரில் இருவரை போலீஸார் சனிக்கிழமை கைதுசெய்தனர்.

வட கர்நாடகத்தின் விஜயநகரா மாவட்டத்தின் உலகப் புகழ் பெற்ற சுற்றுலாத் தலமாக விளங்கும் ஹம்பி நகருக்கு வெளிநாடுகளில் இருந்து ஏராளமான சுற்றுலாப் பயணிகள் வருவது வழக்கம். அந்த வகையில், இஸ்ரேல் நாட்டில் இருந்து வந்திருந்த 27 வயது பெண், ஹம்பி அருகேயுள்ள சானாப்பூர் ஏரி அருகே அமைந்துள்ள வீட்டுவிடுதியில் தங்கியிருந்தார். அவருடன் 3 ஆண் சுற்றுலாப் பயணிகளும் தங்கியிருந்தனர். அவர்களில் ஒருவர் அமெரிக்காவைச் சேர்ந்தவர்; மற்ற இருவரும் மகாராஷ்டிரம், ஒடிஸாவைச் சேர்ந்தவர்கள்.

இந்நிலையில், வியாழக்கிழமை (மார்ச் 6) இரவு 11 மணி அளவில் சானாப்பூர் ஏரி அருகேயுள்ள துங்கபத்ரா கால்வாயின் இடது கரைக்கு சென்ற 29 வயதான வீட்டு விடுதியின் பெண் உரிமையாளர், இஸ்ரேல் நாட்டுப் பெண் மற்றும் 3 ஆண்கள் நிலா வெளிச்சத்தில் கிதார் இசைத்துக் கொண்டும், ரசித்துக் கொண்டும் இருந்தனர்.