பாகிஸ்தான் - ஆப்கன் பேச்சு மீண்டும் தோல்வி

பாகிஸ்தானுக்கும் ஆப்கானிஸ்தானுக்கும் இடையிலான எல்லையில் அமைதியை உறுதிசெய்வதற்காக துருக்கியில் நடைபெற்ற பேச்சுவார்த்தை மீண்டும் தோல்வியடைந்தது.

- 

முக்கிய விவகாரங்களில் கருத்துவேறுபாடுகள் தொடர்ந்து நீடிப்பதால் எந்த உடன்பாடும் இல்லாமல் இந்தப் பேச்சுவார்த்தை நிறைவடைந்தது. பாகிஸ்தானில் பயங்கரவாதத் தாக்குதல்களை நடத்திவரும் பாகிஸ்தான் தெஹ்ரீக்-இ-தலிபான் அமைப்பினர் தங்கள் நாட்டில் இருந்து செயல்படுவதைத் தடுப்பதாக எழுத்து மூலம் ஆப்கானிஸ்தான் ஒப்புதல் அளிக்காததே இந்தப் பேச்சுவார்த்தை தோல்வியடைந்ததற்குக் காரணம் என்று கூறப்படுகிறது.

இது குறித்து பாகிஸ்தான் பாதுகாப்புத் துறை அமைச்சர் கவாஜா ஆசிஃப் கூறியதாவது:

ஆப்கன் பிரதிநிதிகளுடன் நடைபெற்ற பேச்சுவார்த்தையில் எந்த முன்னேற்றமும் ஏற்படவில்லை. முடிவில்லாமல் நீண்டுகொண்டேதான் இருப்பதற்கான கட்டத்தை அடைந்தவுடன் பேச்சுவார்த்தையை முடித்துக் கொண்டோம்.