இந்தியா - பாகிஸ்தான் மோதல் வர்த்தக ரீதியிலான திட்டமிடல்

இங்கிலாந்து முன்னாள் கேப்டன் மைக்கேல் அதர்டன்

- 

'வர்த்தக ரீதியிலான தேவைகளுக்காக ஐசிசி போட்டிகளில் இந்தியா - பாகிஸ்தான் மோதல் உறுதியாக நிகழ்வது திட்டமிடப்படுகிறது. பரபரப்பை அதிகரிப்பதற்கும், விளம்பரத்துக்குமாகவே விளையாட்டு பயன்படுத்தப்படுவதால், இரு நாடுகள் இடையேயான திட்டமிட்ட மோதல் நிறுத்தப்பட வேண்டும்' என்று இங்கிலாந்து முன்னாள் கேப்டன் மைக்கேல் அதர்டன் தெரிவித்தார்.

இதுதொடர்பாக, லண்டனில் வெளியாகும் ‘தி டைம்ஸ்' பத்திரிகையில் அவர் கூறியிருப்பதாவது: கடந்த 2013 முதல், 3 ஒருநாள் உலகக் கோப்பை போட்டிகள், 5 டி20 உலகக் கோப்பை போட்டிகள், 3 சாம்பியன்ஸ் கோப்பை போட்டிகள் என, ஐசிசியின் அனைத்து போட்டிகளிலுமே குரூப் சுற்றில் இந்தியா - பாகிஸ்தான் மோதியுள்ளன.

அதுபோன்ற போட்டிகளின் தொடக்கநிலை ஆட்டங்கள், சிங்கிள் ரவுண்ட் ராபின் சுற்று, குரூப் சுற்று என எந்த வகையில் இருந்தாலும், அதில் அவ்விரு அணிகள் உறுதியாக மோதும் வகையில் நேர்த்தியாக அட்டவணை தயார் செய்யப்பட்டிருக்கும்.