அடையாளத்துக்காக திமுக மீது அன்புமணி விமர்சனம்

அடையாளம் கிடைக்கும் என்பதற்காக திமுகவை அன்புமணி விமர்சனம் செய்கிறார் என நகராட்சி நிர்வாகத் துறை அமைச்சர் கே.என். நேரு தெரிவித்தார்.

- 

திருச்சி, ஆக. 10:

பஞ்சப்பூர் பேருந்து முனையத்தில் ஞாயிற்றுக்கிழமை நடைபெற்ற புதிய பேருந்துகளைத் தொடங்கி வைக்கும் நிகழ்வில் பங்கேற்ற அவர் செய்தியாளர்களிடம் கூறியது:

சென்னையில் போராட்டத்தில் ஈடுபட்டு வரும் தூய்மைப் பணியாளர்களிடம் நடத்தப்பட்ட பேச்சில் ஊதியம் குறைக்கப்படாது, எந்தச் சலுகைகளும் பறிக்கப்படாது என்பதை உறுதியாகத் தெரிவித்தோம். இதையடுத்து போராட்டத்தில் ஈடுபட்டவர்களில் பலர் மீண்டும் பணிக்குத் திரும்பிவிட்டனர். தொடர்ந்து பேச்சு நடைபெறுகிறது. இன்னும் இரண்டு நாள்களில் போராட்டம் சுமுகமாக முடிவடையும்.