அரசு பொது நூலகங்களுக்கு ரூ.40 கோடி புதிய புத்தகங்கள் அனுப்பும் பணி தீவிரம்

தமிழகத்தில் உள்ள அரசு பொது நூலகங்களுக்கு ரூ.40 கோடியில் கொள்முதல் செய்யப்பட்ட புதிய புத்தகங்களை அனுப்பும் பணி தீவிரமாக நடைபெற்று வருவதாக அதிகாரிகள் தெரிவித்தனர்.

- 

சென்னை, ஆக. 5:

தமிழகத்தில் மாநில நூலகம், மாவட்ட மைய நூலகங்கள், கிளை நூலகங்கள், ஊர்ப்புற நூலகங்கள் என 4,500-க்கும் மேற்பட்ட பொது நூலகங்கள் உள்ளன. இவை அனைத்தும் பொது நூலக இயக்ககத்தின் கட்டுப்பாட்டின் கீழ் செயல்படுகின்றன.

இந்த நூலகங்களுக்கு நீண்ட நாள்களாகப் புதிய புத்தகங்கள் கொள்முதல் செய்யப்படாமல் இருந்து வந்த நிலையில், பருவ இதழ்கள், நாளிதழ்கள் ஆகியவை வெளிப்படைத் தன்மையுடனும், எவ்வித புகார்களுக்கும் இடம் அளிக்காமலும் கொள்முதல் செய்யும் வகையில் பிரத்யேக இணையதளத்தை பொது நூலக இயக்ககம் கடந்த ஆண்டு தொடங்கியது.