உலகின் நம்பகத்தன்மை மிக்க ஜனநாயகத் தலைவர்கள்

உலக அளவில் மக்களிடையே செல்வாக்குமிக்க பிரபலமான ஜனநாயகத் தலைவர்களின் பட்டியலில் பிரதமர் நரேந்திர மோடி தொடர்ந்து 5-ஆவது முறையாக முதலிடம் பிடித்து சாதனை படைத்தார்.

- 

இதுதொடர்பான கருத்துக் கணிப்பில் பங்கேற்றவர்களில் 75 சதவீதம் பேர் பிரதமர் மோடியின் தலைமையை நம்பகத்தன்மையுடன் ஏற்றுக்கொள்வதாக கருத்து தெரிவித்துள்ளனர். இந்தப் பட்டியலில் தென்கொரிய அதிபர் லீ ஜே மியுங் 59 சதவீத ஏற்புடன் 2-ஆம் இடத்தில் உள்ளார்.

அமெரிக்காவைச் சேர்ந்த பிரபல கருத்துக் கணிப்பு நிறுவனமான 'மார்னிங் கன்சல்ட்' நிறுவனம், உலகம் முழுவதும் உள்ள செல்வாக்குமிக்க ஜனநாயகத் தலைவர்கள் குறித்து அந்தந்த நாடுகளில் கடந்த ஜூலை 4 முதல் 10-ஆம் தேதி வரை ஆயிரக்கணக்கானோரிடம் தினசரி நேர்காணல்கள் நடத்தி, ஏழு நாட்களின் சராசரி அடிப்படையில் இந்த முடிவுகளை வெளியிட்டுள்ளது.

அதன்படி, இந்தியாவில் நடத்தப்பட்ட இந்தக் கருத்துக் கணிப்பில் பங்கேற்றவர்களில் 75 சதவீத மக்கள், பிரதமர் மோடியை ஒரு நம்பகமான ஜனநாயகத் தலைவராக ஏற்றுக்கொண்டுள்ளனர். அதே சமயம், 18 சதவீதத்தினர் அவரின் தலைமையை ஏற்றுக்கொள்ளவில்லை.