குடியுரிமையை ஆராய அதிகாரம் உள்ளதா?: தேர்தல் ஆணையத்துக்கு காங்கிரஸ் கேள்வி

பிகாரில் நடைபெற்றுவரும் வாக்காளர் பட்டியல் சிறப்பு தீவிர திருத்தப் பணிகள், முழுவதும் குடியுரிமைப் பரிசோதனையாக மாறிவிட்டது; இவ்வாறு மக்களின் குடியுரிமையை ஆராய தேர்தல் ஆணையத்துக்கு சட்டபூர்வ அதிகாரம் உள்ளதா? என்று காங்கிரஸ் கேள்வி எழுப்பியது.

- 

புது தில்லி, ஜூலை 27:

இந்தப் பணிகளை உடனடியாக நிறுத்த வேண்டும் என்றும் அக்கட்சி வலியுறுத்தியது.

நடப்பாண்டு இறுதியில் பேரவைத் தேர்தல் நடைபெறவிருக்கும் பிகாரில் வாக்காளர் பட்டியலில் இருந்து தகுதியில்லாதவர்களின் (சட்டவிரோத குடியேறிகள்) பெயர்களை நீக்கும் நோக்கில், சிறப்பு தீவிர திருத்தப் பணிகளை தேர்தல் ஆணையம் மேற்கொண்டுள்ளது. அதன்படி, 2003-ஆம் ஆண்டுக்குப் பிறகு பட்டியலில் இடம்பெற்ற வாக்காளர்கள், பிறப்புச் சான்றிதழ் உள்ளிட்ட கூடுதல் ஆவணங்களை சமர்ப்பிக்க கோரப்பட்டுள்ளது.