சிரியாவில் துரூஸ்-பெதூயின் இனத்தவரிடையே மீண்டும் மோதல்

ஸ்வேய்தாவுக்கு மறுபடியும் செல்கிறது ராணுவம்

- 

டமாஸ்கஸ், ஜூலை 18: சண்டை நிறுத்தம் அறிவிக்கப்பட்டிருந்த சிரியாவின் ஸ்வேய்தா மாகாணத்தில் சிறுபான்மை துரூஸ் இனத்தவருக்கும், சன்னி பிரிவு பெதூயின் பழங்குடியினருக்கும் இடையே மீண்டும் மோதல் ஏற்பட்டது. இதையடுத்து, இஸ்ரேலின் தலையீட்டைத் தவிர்ப்பதற்காக அங்கிருந்து வெளியேறிய ராணுவம் சட்டம், ஒழுங்கை கட்டுப்படுத்துவதற்காக அந்தப் பகுதிக்கு மீண்டும் செல்லவிருக்கிறது.

இது குறித்து அதிகாரிகள் கூறியதாவது: ஸ்வேய்தா மாகாணத்தில் துரூஸ் இனத்தவருக்கும் பெதூயின் இனத்தவருக்கும் இடையே மீண்டும் மோதல் வெடித்துள்ளது.

இதையடுத்து, அரசு படைகள் ஸ்வேய்தா பகுதியில் மீண்டும் நுழைந்து, அரசு நிறுவனங்களைப் பாதுகாப்பதற்கும், ஸ்திரத்தன்மையை உறுதி செய்வதற்கும் நடவடிக்கை எடுக்கும். சில துரூஸ் குழுக்களுடன் செய்து கொள்ளப்பட்ட உடன்பாட்டின் அடிப்படையில் இந்த முடிவு எடுக்கப்பட்டுள்ளது என்று அதிகாரிகள் கூறினர்.