370-ஆவது பிரிவு ரத்துக்குப் பிறகு உருவான 'தி ரெசிஸ்டன்ஸ் ஃபிரண்ட்'

பஹல்காம் உள்பட 5 பெரிய தாக்குதல்கள்

- 

ஸ்ரீநகர், ஜூலை 18: அரசமைப்புச் சட்டத்தின் 370-ஆவது பிரிவு (ஜம்மு-காஷ்மீர் சிறப்பு அந்தஸ்து) ரத்துக்குப் பிறகு லஷ்கர்-ஏ-தொய்பா பயங்கரவாத அமைப்பின் நிழலாக ஜம்மு-காஷ்மீரில் உருவெடுத்ததே 'தி ரெசிஸ்டன்ஸ் ஃபிரண்ட்' (டிஆர்எஃப்).

கடந்த 2023-இல் சட்டவிரோத செயல்கள் தடுப்புச் சட்டத்தின் கீழ் இந்தியாவின் தடையை எதிர்கொண்ட இந்த அமைப்பு, இப்போது அமெரிக்காவால் சர்வதேச பயங்கரவாத இயக்கமாக அறிவிக்கப்பட்டுள்ளது.

பஹல்காமில் சுற்றுலாப் பயணிகள் மீது ஏப்ரல் 22-ஆம் தேதி கொடூரத் தாக்குதல் நடத்தி 26 பேரை கொன்று குவித்தது டி.ஆர்.எஃப் அமைப்பின் 5 பயங்கரவாதிகள்தான். ராணுவ வீரர்கள் போல உடையணிந்து, அதிநவீன ஆயுதங்கள் மற்றும் நவீன தொலைதொடர்பு சாதனங்களுடன் வந்த 5 பேரும், முஸ்லிம் அல்லாத ஆண் பயணிகள் குறிப்பாக ஹிந்துகளை அடையாளம் கண்டு, சுட்டுக் கொன்றுவிட்டுத் தப்பினர்.