மதுரை விமான நிலைய ஓடுதள விரிவாக்கம் குறித்து பரிந்துரை

சட்டப்பேரவை உறுதிமொழிக் குழுத் தலைவர் தி. வேல்முருகன்

- 

மதுரை/திருப்பரங்குன்றம், ஜூலை 9: மதுரை விமான நிலைய ஓடுதள விரிவாக்கம், சுரங்கவழிப் பாதை குறித்து தமிழக அரசுக்கு சட்டப்பேரவை உறுதிமொழிக் குழு பரிந்துரை அளித்தது என அந்தக் குழுவின் தலைவர் தி. வேல்முருகன் தெரிவித்தார்.

மதுரை மாவட்ட ஆட்சியரகத்தில் புதன்கிழமை நடைபெற்ற, மாவட்ட வளர்ச்சிப் பணிகள் தொடர்பாக ஏற்கெனவே அளிக்கப்பட்ட உறுதிமொழிகள் மீது மேற்கொள்ளப்பட்ட நடவடிக்கைகள் குறித்த ஆய்வுக் கூட்டத்தில் அவர் பேசியதாவது:

அண்மையில் முடிவடைந்த சட்டப்பேரவைக் கூட்டத்தில் எடுத்துக்கொள்ளப்பட்ட 95 உறுதிமொழிகளில், 25 உறுதிமொழிகள் நிறைவேற்றப்பட்டன. 2 உறுதிமொழிகள் படித்து பதிவு செய்யப்பட்டன. மீதமுள்ள 68 உறுதிமொழிகள் நிலுவையில் வைக்கப்பட்டன.