எந்தவொரு அந்நிய மொழிக்கும் எதிர்ப்பு கூடாது

"ஹிந்தி எந்தவொரு இந்திய மொழிக்கும் எதிரானது அல்ல; மாறாக, நண்பன் போன்றது. மேலும், எந்தவொரு அந்நிய மொழிக்கும் நாட்டில் எதிர்ப்பு கூடாது! என்று மத்திய உள்துறை அமைச்சர் அமித் ஷா வியாழக்கிழமை கூறினார்.

- 

புது தில்லி, ஜூன் 26:

"இந்தியாவில் ஆங்கிலம் பேசுபவர்கள் வெட்கப்படும் நாள் வெகுதொலைவில் இல்லை' என்று அவர் அண்மையில் குறிப்பிட்டது பெரும் சர்ச்சையான நிலையில், இந்தக் கருத்தை அவர் தற்போது தெரிவித்தார்.

தில்லியில் வியாழக்கிழமை நடைபெற்ற மத்திய அரசின் அலுவல் மொழித் துறையின் பொன் விழாக் கொண்டாட்டத்தில் பங்கேற்ற அமித் ஷா இதுகுறித்து மேலும் பேசியதாவது: ஹிந்தி எந்தவொரு இந்திய மொழிக்கும் எதிரானதாக இருக்க முடியாது என்பதை உறுதியாக நம்புகிறேன். மாறாக, அனைத்து இந்திய மொழிகளுக்கும் நண்பனாக ஹிந்தி திகழ்கிறது.