மறுவாழ்வுக்கு ரூ. 5,940 கோடி திட்டம்; மத்திய அமைச்சரவை ஒப்புதல்

ஜார்க்கண்ட் மாநிலத்தில் உள்ள ஜாரியா என்ற பகுதியில் நூறாண்டு காலமாக எரிந்து வரும் நிலத்தடி நிலக்கரி தீயால் பாதிக்கப்பட்ட மக்களின் மறுவாழ்வுக்கான ரூ. 5,940 கோடி மதிப்பிலான திருத்தப்பட்ட மேம்பாட்டுத் திட்டத்துக்கு (மாஸ்டர் பிளான்) மத்திய அரசு ஒப்புதல் அளித்தது.

- 

புது தில்லி, ஜூன் 25:

பிரதமர் நரேந்திர மோடி தலைமையில் தில்லியில் புதன்கிழமை நடைபெற்ற பொருளாதார விவகாரங்களுக்கான மத்திய அமைச்சரவைக் கூட்டத்தில் இதற்கான முடிவு எடுக்கப்பட்டது.

ஜார்க்கண்ட் மாநிலம் தன்பாத் மாவட்டத்தில் இந்த ஜாரியா பகுதி அமைந்துள்ளது. இந்த நிலக்கரி வயலின் பல்வேறு பகுதிகளில் பூமிக்கு அடியில் கடந்த நூறாண்டுகளாக தீ எரிந்து வருகிறது. இதனால், வீடுகள் இடிந்து விழுவது, தீ விபத்து உள்ளிட்ட பல்வேறு பாதிப்புகள் இப் பகுதி மக்கள் சந்தித்து வருகின்றனர்.