50 போட்டிக் குழுவினரைக் கொன்ற ஹமாஸ்

காஸாவில் இஸ்ரேல் உதவியுடன் தங்களுக்கு எதிராகச் செயல்படும் அபு ஷபாப் குழுவைச் சேர்ந்த 50 பேரை ஹமாஸ் படையினர் கொன்றுள்ளனர்.

- 

ஜெருசலேம், ஜூன் 11:

இது குறித்து அபு ஷபாப் குழு வெளியிட்டுள்ள அறிக்கையில் தெரிவிக்கப்பட்டுள்ள தாவது:

எங்கள் குழு உறுப்பினர்கள் 50 பேரை ஹமாஸ் படையினர் படுகொலை செய்துள்ளனர். இதில், தலைவர் யாஸீர் அபு ஷபாபின் குடும்பத்தினரும் அடங்குவர்.

காஸாவுக்குள் வரும் நிவாரணப் பொருள்கள் ஹமாஸுடன் தொடர்புடைய ஊழல் வாதிகளுக்குச் சென்று சேர்வதைத் தடுப்பதற்கான நடவடிக்கைகளை மேற்கொள்ளும்போது அவர்கள் கொல்லப்பட்டனர் என்று அந்த அறிக்கையில் குறிப்பிடப்பட்டுள்ளது.

இதற்கிடையே, அபு ஷபாப் குழுவினரைப் பாதுகாப்பதற்காக ஹமாஸுடன் இஸ்ரேல் ராணுவம் மோதலில் ஈடுபட்டதாகவும், இதில் இரு தரப்பிலும் உயிர்ச் சேதம் ஏற்பட்டதாகவும் இஸ்ரேல் ஊடகங்கள் தெரிவித்தன.