சித்திரைத் திருவிழா: அன்னதானம், நீர் மோர் வழங்க 554 பேருக்கு அனுமதி

மதுரை சித்திரைத் திருவிழாவில் அன்னதானம், நீர் மோர் உள்ளிட்டவற்றை வழங்க 554 பேருக்கு அனுமதி வழங்கப்பட்டுள்ளதாக உணவு பாதுகாப்புத் துறை தெரிவித்தது.

- 

மதுரை, மே 7:

மதுரையில் நடைபெறும் சித்திரைத் திருவிழாவில் மீனாட்சி சுந்தரேசுவரர் திருக்கல்யாணம், தேரோட்டம், கள்ளழகர் எதிர்சேவை, அழகர் ஆற்றில் எழுந்தருளுதல் ஆகிய நிகழ்ச்சிகளில் லட்சக்கணக்கான பக்தர்கள் திரள்வது வழக்கம். இதை யொட்டி, தேரோட்டம் நடைபெறும் நான்கு மாசி வீதிகள், கள்ளழகர் வலம் வரும் பகுதிகள் உள்பட நகரின் பல்வேறு இடங்களில், பல்வேறு அமைப்புகள், தனிநபர்கள், நிறுவனங்கள், சங்கங்கள் சார்பில் நீர் மோர் பந்தல், அன்னதானம் ஆகியவை வழங்கப்படும்.