அரசுப் பல்கலை. துணைவேந்தர்கள் புறக்கணிப்பு

உதகையில் ஆளுநர் ஆர்.என்.ரவி வெள்ளிக்கிழமை கூட்டிய துணைவேந்தர்கள் மாநாட்டை தமிழக அரசுப் பல்கலைக்கழகங்களின் துணைவேந்தர்கள் புறக்கணித்தனர்.

- 

உதகை, ஏப். 25:

மாநாட்டில் பங்கேற்கக் கூடாது என காவல் துறை மூலம் துணைவேந்தர்கள் மிரட்டப்பட்டதாக முதல்வர் மு.க.ஸ்டாலின் மீது ஆளுநர் குற்றஞ்சாட்டினார்.

பல்கலைக்கழகத் துணைவேந்தர்களை தமிழக அரசே நியமிக்கும் அதிகாரம் உள்ளிட்ட 10 மசோதாக்களுக்கு ஆளுநர் ஆர்.என்.ரவி ஒப்புதல் அளிக்காமல் நிறுத்தி வைத்திருந்தார். இதுதொடர்பாக தமிழக அரசு தொடுத்த வழக்கில், ஆளுநருக்கு கண்டனம் தெரிவித்த உச்சநீதிமன்றம், தமது சிறப்பு அதிகாரத்தைப் பயன்படுத்தி, அந்த 10 மசோதாக்களுக்கும் ஒப்புதல் வழங்கியது.

இதையடுத்து, பல்கலைக்கழக துணைவேந்தர்களை சென்னை தலைமைச் செயலகத்துக்கு அழைத்து முதல்வர் மு.க.ஸ்டாலின் அண்மையில் ஆலோசனை நடத்தினார்.

இதற்கிடையே, தமிழக பல்கலைக்கழக துணைவேந்தர்கள் பங்கேற்கும் இரண்டு நாள் மாநாடு உதகையில் நடைபெறும் என ஆளுநர் அறிவித்தார்.