நாளை 4 மண்டலங்களில் தமிழ்நாடு ஆசிரியர்கள் அறிவியல் மாநாடு

அரசுப் பள்ளிகளில் பணியாற்றும் தேர்வு செய்யப்பட்ட அறிவியல், கணித ஆசிரியர்களுக்கான தமிழ்நாடு ஆசிரியர்கள் அறிவியல் மாநாடு 4 மண்டலங்களாகப் பிரிக்கப்பட்டு நாமக்கல், மதுரை, புதுக்கோட்டை, வேலூர் ஆகிய மாவட்டங்களில் சனிக்கிழமை (மார்ச் 15) நடைபெறவுள்ளது.

- 

சென்னை, மார்ச் 13:

கணிதம், அறிவியல் பாடங்களை தானாக பரிசோதனை செய்து கற்றலை மேம்படுத்துவதற்காக 'வானவில் மன்றம் - நடமாடும் அறிவியல் ஆய்வகம்' திட்டம் கடந்த 2022-ஆம் ஆண்டு தொடங்கப்பட்டது. இதையடுத்து வகுப்பறை கற்பித்தலில் புதுமையாக செயல்பட வேண்டிய அவசியத்தை உணர்ந்து படைப்பாற்றலுடன் செயல்பட்டு வரும் அறிவியல், கணித ஆசிரியர்களுக்கான மாநாடு நடத்த திட்டமிடப்பட்டது.