இந்தியா 'ஹாட்ரிக்' வெற்றி

ஆசிய கோப்பை ஹாக்கி போட்டியில் இந்தியா தனது 3-ஆவது ஆட்டத்தில் 15-0 கோல் கணக்கில் கஜகஸ்தானை திங்கள்கிழமை வீழ்த்தி அபார வெற்றி கண்டது.

- 

ராஜ்கிர், செப். 1: ஆசிய கோப்பை ஹாக்கி போட்டியில் இந்தியா தனது 3-ஆவது ஆட்டத்தில் 15-0 கோல் கணக்கில் கஜகஸ்தானை திங்கள்கிழமை வீழ்த்தி அபார வெற்றி கண்டது.

முதலிரண்டு ஆட்டங்களில் சீனா, ஜப்பானை வீழ்த்திய இந்தியாவுக்கு, இது 'ஹாட்ரிக்' வெற்றியாகும். ஏற்கனவே சூப்பர் 4 சுற்றுக்குத் தகுதி பெற்றுவிட்ட இந்தியா, தற்போது தோல்வியே காணாமல் குரூப் சுற்றை நிறைவு செய்திருக்கிறது.