பள்ளி மாணவிகளுக்கு பாலியல் தொல்லை: 'போக்ஸோ' சட்டத்தின் கீழ் ஆசிரியர் கைது

விழுப்புரத்தில் அரசு பள்ளியில் ஆறாம் வகுப்பு மாணவிகள் மூன்று பேருக்கு பாலியல் தொல்லை கொடுத்த இடைநிலை ஆசிரியர் போக்ஸோ சட்டத்தில் வெள்ளிக்கிழமை கைது செய்யப்பட்டார்.

- 

விழுப்புரம், ஆக.29: குற்றம் சாட்டப்பட்ட ஆசிரியரை பெற்றோர்கள் பள்ளிக்குள் சென்று சுற்றிவளைத்து தாக்கியதால் பரபரப்பு நிலவியது.

விழுப்புரம் நகரத்திலுள்ள அரசு மகளிர் மேல்நிலைப்பள்ளியில் 6-ஆம் வகுப்பு பயின்று வரும் மாணவிகள் மூவருக்கு இடைநிலை ஆசிரியர் பால்வில்சன் (48) பாலியல் ரீதியாக தொல்லை அளித்து வந்ததாகக் கூறப்படுகிறது. இதனால் பாதிக்கப்பட்ட மாணவிகள் மூவரும் பள்ளியின் தலைமையாசிரியையிடம் புதன்கிழமை புகார் அளித்திருக்கிறார்கள். இதைத் தொடர்ந்து அவர், 'சைல்டுலைன்' அமைப்புக்குத் தகவல் அளித்து நடவடிக்கை எடுக்குமாறு கேட்டுக்கொண்டார்.